د جمادیالاولې په میاشت کې د حرمین شریفین د زیارت کونکو شمېر له ۶۶ میلیونو واوښت
ایکنانیوز د خلیج آنلاین له قوله راپورراکړی، دغې ادارې په خپلې بیانیې کې ویلي: د جمادیالاول د میاشتې ټول زیارت کوونکي ۶۶ میلیونه او ۶۳۳ زره او ۱۵۳ تنه وو، چې د تیر ې میاشتې ـ یعنې ربیعالثاني ـ په پرتله ۱۲ میلیونه او ۱۲۱ زره او ۲۵۲ کسانو زیاتوالی ښئي.
دغې ادارې په دغه راپور کې وئيلي دي ، یوازې د مسجدالحرام د لمونځ کوونکو شمېر ۲۵ میلیونه او ۹۸۷ زره او ۶۷۹ کسانو ته رسېدلی، چې په دې کې یو لک او ۴۸۹ تنه د حجر اسماعیل په برخې کې لمونځ کوونکي شامل دي. همدارنګه د عمره کوونکو شمېر هم ۱۳ میلیونه او نهه لکه دوه اویا زره او ۷۸۰ کسانو ته رسېدلی دی.
په بیانیې کې راغلي: د مسجدالنبي د لمونځ کوونکو شمېر د جمادیالاول په میاشت کې ۲۳ میلیونه او او دوه لکه ۹۶ زره او ۱۸۵ کسانو ته رسېدلی، چې په دوي کې نهه لکه ۱۲ زره او ۶۹۵ تنه د روضې مطهرې زیارتکوونکي وو.
د رسول الله ﷺ د روضې (مرقد) زیارت کوونکو شمېر بیا ۲ میلیونه او ۳۶۳ زره او ۳۲۵ تنو ته رسېدلی دی.
همدارنګه، د حرمین شریفین د مراقبت عمومي ادارې وئيلي دي، چې د زائرینو او لمونځ کوونکو د شمېر د څار لپاره له پرمختللي حسګري (سنسوري) ټیکنالوژۍ څخه په اصلي دروازو کې کار اخلي.
دغه پروګرام د دې لپاره جوړ شوی چې د خلکو د بهیر د تعقیب له لارې د عملیاتو اغېزمنتیا لوړه کړي او اړوندو چارواکو ته د ګڼې ګوڼې د مدیریت وړتیا ورکړي
https://iqna.ir/fa/news/4319495
